පළමු තහනම


මං කිව්වේ සුළඟට
උඹේ ලස්සන
පුංචිම පුංචි පදපෙලකට එක්ක කර..

සුළඟ ඇඹරුනේ ක්ෂණයෙන්ම,
එය ඇසූ පමණින්ම..

එතකොට උඹ උන්නේ 
සයුරු රැල්ලට දෙපා ඔබාගෙන...
මං උඹ දෙස බලාන
ඇස් මගේ නුඹෙ ළඟම...

එකෙනෙහිම ආ සුළඟ 
උඹේ රතු කෙටි සාය
ඉස්සුවේ හරි දඟව.
මගේ ඇස් දිව්වේ
ළඟපාත පිරිමි ඇස් වලට.

රත් කලව යුග්මය
දිලිසුනේ හිරු එලියත් උරාගෙන.
ඒ සියක් ඇස් පිබිදුනේ
උඹේ ඒ දිලිසුමට.
හිරුත් රතුව 
ගිනි සිළුවක් දැවුනෙ සීරුවට.

තරහ කොහෙන්දැයි නොදැන
මා රතු වුනේ නුඹ නිසා නොව
සුළඟ සමඟින්‍ ය..
සුළඟට බනිනු කෙලෙසින්?

වදන් රුදු කටුව
සිනා මුව මඩලට විසිව
පෑරුනේ රතුව,
කඳුලු වැක්කෙරුනේ
ඒ වණයන්ට....

"ආයේ කෙටි ඇඳුම් තහනම්..."

එහෙමයි පළමු තහනම
වැටුනේ උඹට..



Comments

  1. අනේ හරිම ලස්සනයි අරු

    ReplyDelete
  2. Eu sou genuinamente satisfeito para olhar іsto web site postos que consiste abundância de valioso fatos, obrigado ρоr fornecer tais informações .

    ReplyDelete

Post a Comment

Popular Posts