වලාකුලක්මි____☁🏔



උග්‍ර ග්‍රීෂ්මෙක සුන්දර නිල්ම නිල් වලාකුලක්ව උප්පත්තිය ලද මා ඔබට මේ පැවසීමට තතනන්නේ මගේ ප්‍රේමාංකුරයේ අවශේෂ සංක්ෂිප්තයයි. එහි අනවැසි දේ මතකයෙන් කීතු කර ඉරා දමමින් ඔබට අව්‍යාජව විස්තර කිරීමටත් මම අපේක්ෂා කරමි,නිස්කාරනේ වචන අපතේ නොයන්නටද මඟ බලා ගනිමි. ඉදින් මේ මගේ කතාවයි..
මම සන්දුෂ්නා වෙමි. අත්ලාන්තික් සමුදුරේ ඉහල ආකාසයේ උප්පත්තිය ලද්දේ නත්තල් අවසන් වී මාස දෙකක් ඉක්මව ගිය තැනය. ඒ ඉතා වියලී කාලගුණයක් සහිතව උග්‍ර ග්‍රීෂ්මයක අනාවැකි පල කරමින් තුබූ කාලයකි. අහිංසක මේඝ දූතියක් ලොවට තිලිණ කරමින් මගේ මව මට උප්පත්තිය ලබා දුන්නීය. 
සිනහා නම් නොවන්න.. මගේ පියානන් කවුරු දැයි මම අදටත් නොදනිමි.. ඒ මෝසම් සුලඟක් වීමට හුදෙක් ඉඩ හසර තිබිය යුතුය.. මන්ද මගේ මවගේ හදවතෙහි මහත් වෛරයක් මෝසම් සුළඟ හා විරජමානව පවතින බැවිනි...

මට තිබුනේ පාවෙන්නටය. මා පාවෙමින් පාවෙමින් දෙරණතට ඉහලින් සැරිසැරුවෙමි. අනතුරුව මම අතිශය චණ්ඩ කාලතරණයෙන් පසු ඉතා නිසසල සෘතුවකට පැමිණියෙමි. ඒ අත මහා ග්‍රීෂ්මෙන් වියැලීද, අනෙක් අතට මහා සිසිර සෘතුවෙන් මිරෙකෙමින්ද  හුස්ම ඇද ඇද,වෙහෙසකර සමයන් ගව්වක් පසු කර ආමි... ඒ මා පියනැගුවේ වසන්ත සමයකටයි.. ඒ අතිශය මනස්කාන්ත දූපතක් ඉහලටයි...
මගේ මුහුන දෙසට වන්නට තිබුනේ තරු පහකි. ඒවා මලක් සේ රාත්‍රියට දිස් වුන බව වෙනත් වලාකුලක් පැවසුවේ ඊර්ෂ්‍යාවකින් බව මම දැන උනිමි.. මට අවැසි වුනේ සමුදුරක් ඉහල ලැගුම් ගන්නට නමුදු මා අවසානයේ නවාතැනක් ලෙස හිමි වූයේ කන්දකි.. එය යුරල්ද ඇල්ප්ස්ද නැතිනම් රොකීදැයි නොදනිමි..
නමුත් මට අවැසි විටෙක කදු මුදුන සිප ගැනීමට මගේ වේෂය වෙනස් කල හැකිය... දුර්ගයක් නොලැබ කඳුමුදුනක් ලැගුම්හල ලෙස ලැබීම මම ලද භාග්‍යක් සේ සලකමි. දුර්ගයක භයානක බව නොදුට,කඳු පෙලක අසිරිය විඳින්නට ලැබීම මහත් සන්තුෂ්ටියකි.
තව නවාතැන් කොච්චරක් හිමිදැයි මම නොදැන උනිමි... නමුත් මා වියැලි දිනෙක කඳුකරයෙන් බැහැර ගොස් කඳුකරය දෙස බලා හිඳිමින් වියැලෙන්නටත්, සීත දිනෙක කඳු මුදුනෙ වෙලී සීතල නස්නටත් පුරුදු වුනෙමි.. නමුත් මා පිලිබඳ කඳු මුදුන හෝ නිර්නය කිරීම පිලිබඳ තුටු නොවූයෙමි.
ප්‍රේමය නම් සොයා එන්නාමය යන කියමන සනාථ කරමින් මගේ ප්‍රේමය කඳු මුදුනක් බව හැඳිනගැනීමට වසන්ත දෙකකුත්, මහා කුණාටු දහ හතරකුත් පසු කරන්නට සිදු විනි.. නමුත් ප්‍රේමය හැඳින ගැනීමෙන් පසු මාද නැති නම් කඳු පන්තියද ගැබ්බර වූයේ යැයි මට සිතා ගත නොහැකි විනි...
අදටත් සිතින් ගැබ්බර'මි...


4 comments:

  1. Replies
    1. ස්තූතියි... කලින් ලියපුවා.. වෙනස් කරන්න හිටියේ... ආයේ දැම්මා

      Delete

තනිකමක් තියා නොතියාම  ඔබ ගියා වුව මතක එලියකි. රිද්දා නොරිද්දාම  හද කොනිති ගැසුවට එයද සුවයකි. පෙමක් අහිමිව යන්නේ කෙලෙසක ණයට දීමක්...